Падаруй Лукашэнку яго ЛуНэт
30 жніўня ў беларускім сэгмэнце Сеціва стартавала акцыя “Падары Лукашэнку яго ЛуНэт”. Прысьвечаная яна (разумееце слушна!) выказваньню прэзыдэнта наконт Інтэрнэту. Маўляў, Сеціва аддаўна ўжо пераўтварылася ў рупор несяброўных Беларусі дзяржаў.
Беларускія незалежныя сайты вельмі добра зьнітаваныя між сабой — гэта спраўджваецца
няўперш. Ужо ў першы дзень банэрчык (яго можна знайсьці ды спампаваць ВОСЬ ТУТ) скапіявала ля 50 апазыцыйных
сайтаў. Натуральна, аўдыторыя ў іх нешматлікая і перакрочваецца праз тое, што
яны ня могуць сабе прасоўваць праз буйныя парталы накшталт ТУТ.by. Але акрамя сайтаў ёсьць і блёгасфэра. І ёсьць
пошукавыя сыстэмы. Калі акцыя
будзе прасоўвацца слушна, то яе заўважыць Google, адпаведна — усе чытачы Google
News. А ініцыятыву Лукашэнкі яны ўжо заўважылі: пры запыту тэмы “Беларусь” ужо
даўно на першым месцы цытуюцца ініцыятывы “ўсенароднаабранага”. Атрымоўваецца,
што інфай пра Беларусь не зьнядоленыя ў першую чаргу замежнікі. А ў Беларусі
пра сябе ведаюць мала. Хаця ці нам прызвычайвацца?
У кірылічнае блёгасфэры ў ТОП-30 тэмаў ужо які раз уваходзіць “будаўнічая
вайна” ў Маскве. Гэтым разам невядомымі быў
зьбіты чалавек, які арганізоўваў мітынгі ў абарону правоў жыхароў
прыватнага сэктару. Спасылка вядзе на сайт, зь якога можна перайсьці на
асабістыя ЖЖ іншых сябраў апазыцыйных партыяў Расеі. Сярод усяго на іх
сустракаюцца й згадкі на беларускі будаўнічы комплекс і развагі пра тое, якія
цікавасьці мае вышэйшае кіраўніцтва расейскае сталіцы на новабуды ў Менску.
У Менску неўзабаве абяцаюць увесьці электронныя праяздныя (як у Варшаве), а
перад тым пагражалі турнікетамі на ўваходзе ў транспарт, якія ў Маскве
павялічылі ў 3-5 разоў час вандроўкі. А ці скапіюе Мінсктранс ва ўсходняга
суседу магчымасьць
выкарыстоўваць мабільнікі ў якасьці праяздных — пакажа час.
Оцените статью
1 2 3 4 5Читайте еще
Избранное