Някляеў: «Уся сёлетняя выбарчая кампанія – гэта гвалт і подласць»

Паэт выказаўся наконт апошнiх падзей.

– Нягледзячы на тое, што ніхто з кандыдатаў у прэзідэнты не заклікае на Плошчу, яна выглядае непазбежнай, – пiша Уладзімір Някляеў. – А гэта пры сённяшніх пратэстных настроях – перамога народа, канец рэжыму. Менавіта з гэтым звязаны пажарны выклік усіх кандыдатаў у прэзідэнты ў ЦВК, дзе будзе абвешчана (пад выглядам захавання бяспекі) пра абмежаванне іх права на сустрэчы з народам.

На гэтым рэжым не спынецца, і магчымым наступным крокам – у звязку з «ваенным уварваннем Расіі» – можа быць абвяшчэнне пра адмену выбараў і ўвядзенне надзвычайнага становішча.

Уся сёлетняя выбарчая кампанія – гэта гвалт і подласць, ланцуг цынічных правакацый, і нічога іншага ад цяперашняй улады не даводзіцца чакаць. Таму народу застаецца адно: збіраць сілы, каб бараніць сваё канстытуцыйнае права на выбар.

Оцени статью:
1
2
3
4
5
Средний балл - 5 (оценок:115)