Някляеў: «А значыць, і чалавек здольны зрабіць той выбар, які Бог зрабіў»
Паэт Уладзімір Някляеў – на Пасху. Аўтар суправадзіў свае словы фота сям'і Дашкевіча – палітвязню ўлады працягнулі тэрмін знаходжання ў няволі.
Хрыстос уваскрос!
У свет Любоў прынёс!
Толькі не ўсе ў свеце яе прынялі.
І чапляецца свет за нянавісць.
Яна – вайна ва Украіне. Яна – турма ў Беларусі.
Ненавідзець лягчэй, чым любіць.
Але ўваскрос Хрыстос! І выбраў не тое, што лягчэй. Ён нават да тых, хто Яго прадаў, несправядліва асудзіў і забіў, пайшоў з Любоўю.
Неверагодны духоўны подзвіг! На такое здольны хіба толькі Бог. Але ж Ён – і Бог, і чалавек. А значыць, і чалавек здольны зрабіць той выбар, які Бог зрабіў.
Перад гэткім выбарам і стаіць сёння Беларусь… І ў залежнасці ад таго, любоў будзе выбраная ці нянавісць, мы або ўваскрэснем – або не.
Читайте еще
Избранное