Навошта актывісткі распранаюцца ў цэнтры Кіева (фота)

Апошним часам у цэнтры Кіева актывісткі руху FEMEN ладзяць эпатажныя пратэсты. У панядзелак, 16 лістапада, яны правялі акцыю «А-та-та» з мэтай прыцягнуць увагу грамадзкасці да сэксуальных дамаганняў, што адбываюцца ў ВНУ Украіны.

Пад вокнамі Міністэрства адукацыі і навукі Украіны удзельнікі акцыі-пэрфомансу яскрава прадэманстравалі, якім чынам некаторым студэнткам прыходзіцца "плаціць" за іспыты і за месцы ў інтэрнатах.

Рух "Femen" вядомы па смелым акцыям супраць секс-турызму і прастытуцыі "Украіна - не бордель!" і "Эх, залётные!". Удзельніцы руху выступаюць супраць існуючай сэкс-індустрыі і ўздымаюць іншыя "гарачыя" для грамадзтва пытанні.

Адгукнуліся "FEMEN" і на праблему свінога грыпу. У панядзелак, 9 лістапада, яны правялі на Майдане Незалежнасці акцыю антыстрэсу “Демарлізацыя”.

У сярэдзіне дня некалькі дзяўчын распрануліся ў цэнтры горада. Інтымныя месцы яны прыкрылі бялізнай, якая імітавала марлевыя павязкі. На твары актывісткі таксама павязалі марлевыя павязкі. Целы размалявалі лёзунгамі “Антыгрып!” і “Антыстрэс!”. Актывісткі імкнуліся падбадзёрьць кіеўлян у час эпідэміі.

-- У сувязі з праблемай грыпу ў грамадзтве многа панікі. Палітыкі спекулююць на гэтым. Людзі сапраўды падаўленыя, яны не выходзяць на вуліцу, - патлумачыла мэту акцыі лідэр руху "FEMEN" Ганна Гуцол. -- Такім чынам мы хочам данесьці да людзей, што патрэбна быць больш вясёлымі і не паддавацца паніке.

“Мы ў цэнтры Кіева, таму што тут больш за ўсё людзей. Апошнім часам на вуліцах горада людзей мала і мы вырашылі дадаць ім больш пазітыўных эмоцый. Асабліва мужчынам,” – кажа Ганна Гуцол.