Коктейль

Словы і музыка нарадзіліся ў жодзінскай турме.

«Моя ты милая, мотаю я «пятнаху». РСП прэзентаваў «турэмны» альбом

Словы і музыка для плыты «Шанс/off» былі напісаныя ў другой палове лютага мінулага года ў камеры № 15 следчай турмы горада Жодзіна. Рэпартаж Budzma.org з прэзентацыі.

13 лютага 2021 года на базе адпачынку «Агеньчык» у Смалявіцкім раёне МУС зладзіла аблаву на ўдзельнікаў і гледачоў канцэрта. Гралі ў той вечар гурты РСП, Panska Moc і Ok-Band, агулам міліцыя затрымала 68 чалавек.

Большасьць з іх, у тым ліку і музыкі, праз некалькі дзён былі асуджаныя да адміністратыўных арыштаў, якіяі адбывалі зусім недалёка ад месца затрымання — у следчай турме горада Жодзіна, добра вядомай шмат каму з удзельнікаў пратэстаў 2020 года.

Яшчэ праз тыдзень да удзельнікаў гурта РСП дадому з вобшукамі прыйшла міліцыя, шукалі незарэгістраваную сімволіку і іншыя прыкметы «злачынстваў». Аднак нічога не знайшлі, усе музыкі пасля «сутак» вярнуліся дадому.

Праз нейкі час гурт з’ехаў у Кіеў, дзе запісаў новы, бадай самы незвычайны ў сваёй кар’еры альбом «Шанс/off». Увесь ён прысвечаны лірычнаму герою, які расказвае пра свой побыт у жодзінскай турме.

І так адзін з самых «народных» музычных гуртоў Беларусі стаў яшчэ больш народным. 21 студзеня РСП прэзентаваў новую праграму ў Кіеве.

— Сёння ў нас незвычайны канцэрт, мы прэзэнтуем канцэптуальны альбом, — расказалі удзельнікі РСП перад выступам. — Год назад мы трапілі ў жодзінскую турму. Так адбылося. Па выхадзе мы далі інтэрв’ю і сказалі, што прэзентуем шансон-альбом. За кратамі мы напісалі восем тэкстаў і музыку. «Разбітае сэрца пацана» сказала, «Разбітае сэрца пацана» зрабіла. Праз год, але гэта не важна. Дзякуем за дапамогу ў яго стварэнні «Радзе беларускай культуры».

А пасля РСП пачалі граць тое, чаму мог бы пазайздросціць нават Міша Круг, калі б дажыў да масавых турэмных пасадак сучасных беларускіх музыкаў.

Сосны, белый снег и база «Огонёк»

И в подвале тлеет красный уголёк

На снегу он белом, словно БЧБ

Но вот ОМОН влетает и не приеду я к тебе

Классный был концерт, играли РСП

Но вот явился мент и все мы в РОВД.

Новая праграма РСП гучыць амаль камерна, па-рэстараннаму. Самае тое для сустрэчаў «адкінуўшыхся» з Жодзіна, Баранавічаў ці Акрэсціна «экстрэмістаў». Ідэальна для ўспамінаў пра шахматы з хлеба, вечаровыя «шмоны», халодны душ у бетоннай скрынцы ці «баланду» з паловай варанай бульбіны і кавалкам селядца на недапечаным хлебе. Ёсць у ёй месца і для любоўнай рамантыкі.

Моя ты милая, мотаю я «пятнаху»

Замок защёлкнулся и вот я не с тобой, ой-ой

Отдал бы я последнюю рубаху

Чтобы заехать в камеру с тобой.

Паслухаць усё гэта ў невялікі кіеўскі клуб «Сквот 17б» прыйшло каля 50 чалавек. Мяркуючы па рэакцыі, тэксты з новага альбому РСП цалкам адгукаліся ў сэрцах былых сядзельцаў камер беларускіх ІЧУ. Падпяваць людзі пачыналі амаль адразу нягледзячы на тое, што усе чулі гэтыя новыя песні РСП ўпершыню.

— Я сама не сядзела, але за апошні час гэта ўсё для нас стала амаль родным, мы ж усё ведаем з аповедаў сяброў, родных, з артыкулаў. Канешне, там і страшныя рэчы адбываліся, але і такая рамантыка ва ўспамінах у людзей таксама застаецца. Можа, лепш бы не было такіх альбомаў, але калі так атрымліваецца, то трэба ўсё адлюстроўваць у культуры, я думаю, — расказала адна з наведніц прэзентацыі «Шанс/off».

Хлопцы з РСП тым часам працягвалі расказваць пра прыгоды свайго лірычнага героя за кратамі жодзінскай турмы. Граюць новую праграму толькі два ўдзельнікі — Дзяніс Тарасенка і Павел Гарадніцкі. Аляксандр Кавалёў і Андрэй Асіпчык прадстаўленыя на новым альбоме ў выглядзе гульцоў у шахматы.

Хітом новай праграмы гурта можа лёгка стаць трэк «А письма не приходят». Прычым не будзе дзівам яго пачуць і ў эфіры радыёстанцыі кшталту «Шансон FM»:

Ты напиши, как ты с утра проснулась

И что на завтрак было у тебя

Как твоё тело в душе сполоснулось

И опиши мне кружева белья.

Мне это надо знать, поверь ты, очень

Ведь это греет душу пацану

И мои мысли в эти дни и ночи

О том, как выйду и к тебе приду

А солнце всходит, солнышко заходит

А писем нет

А письма не приходят.

На стрымінгавых платформах «Шанс/off» ад РСП з’явіцца ў бліжэйшым часе. Музыкі кажуць, што не губляюць надзеі адыграць новыю праграму ў Беларусі. Сутарэнні следчай турмы Жодзіна для такога канцэрта будуць найлепшым месцам.

Оцени статью

1 2 3 4 5

Средний балл 0(0)