Мілінкевіч: «Абяцалі сацыяльную дзяржаву, а цяпер кінулі людзей сам-насам зь бядою»
Былы кандыдат у прэзыдэнты — пра тое, што сёння расчароўвае людзей.
— Самае кепскае, што робіць улада, — яна гаворыць няпраўду. Казаць, што каранавірус — чарговы грып, — гэта або неадэкватнасьць, або хлусьня. Калі Лукашэнка баіцца, што будзе паніка, то паніка ўзьнікае ня з гэтай прычыны, — распавёў ў інтэрв’ю Радыё Свабода Аляксандар Мілінкевіч.
Ён мяркуе, што паніка або сацыяльныя выбухі наступаюць не тады, калі кепска, а тады, калі чалавек чакае лепшага, бо яму так абяцалі, а гэтага лепшага няма.
— І тое, што ўлада дагэтуль не сказала, якія будуць гарантыі ад ураду, ці будуць выплаты людзям, якія не працуюць не з сваёй віны, ці будзе дапамога па беспрацоўі, моцна напружвае і расчароўвае людзей. Бо абяцалі сацыяльную дзяржаву, а цяпер кінулі людзей сам-насам зь бядою: «Вы там самі вырашайце». Гэта выклікае ў людзей вялікі непакой.
Оцените статью
1 2 3 4 5Читайте еще
Избранное