Мікола Статкевіч усклаў кветкі да мемарыяла Міхаіла Жызнеўскага ў Кіеве
22 студзеня споўнілася два гады, як загінуў беларус, які прымаў актыўны ўдзел у Рэвалюцыі Годнасці.
«Быў у Кіеве. Наведаў месца гібелі Міхася Жызнеўскага ў гадавіну яго смерці. Дагэтуль перад вачыма стаіць убачанае тады па тэлевізары — маладыя хлопцы з фанернымі шчытамі гінуць пад кулямі, бо фанера не ратуе ад куль. Слава Героям!» — напісаў Мікола Статкевіч на сваёй старонцы ў facebook.
22 студзеня — другая гадавіна з дня трагічнай гібелі беларуса Міхася Жызнеўскага, які быў актыўным удзельнікам украінскай рэвалюцыі Годнасці.
Жызнеўскі стаў другой ахвярай расстрэлу Майдана. У той самы дзень загінуў армянін Сяргей Нігаян.
Міхаіл Жызнеўскі пахаваны пад Гомелем, пасмяротна ўзнагароджаны Ордэнам Герояў Нябеснай Сотні.
Оцените статью
1 2 3 4 5Читайте еще
Избранное