Маладафронтаўцаў пакаралі штрафамі
Суд прызнаў актвістаў “Маладога фронту” (Чэхія) Зміцера Дашкевіча і Мікалая Дземідзенка вінаватымі ў арганізацыі і ўдзеле ў несанкцыянаваных масавых мерапрыемствах і прысудзіў ім штраф у памеры 40 і 35 базавых велічыняў адпаведна.
Актывістаў апазіцыі затрымалі 12 лютага пасля акцыі ў падтрымку ваўкавыскіх прадпрымальнікаў Мікалая Аўтуховіча, Юрыя Лявонава і Уладзіміра Асіпенкі.
На судзе маладафронтаўцы вінаватымі сябе не прызналі і заявілі, што не збіраюцца ўдзельнічаць у “гэтым цырку”.
У выніку суд прыгаварыў Дзміцера Дашкевіча да штрафу ў 40 базавых велічыняў. Мікалай Дземідзенка павінен сплаціць 35 базавых велічыняў.
— На вялікі жаль, у краіне працягваюцца палітычныя рэпрэсіі, — пракаментаваў “Салідарнасці” рашэнне суда палітык Вячаслаў Сіўчык. — Толькі прыезд дэлегацыі ПАСЭ не дазволіў вынесці больш жорсткі прысуд. Сёння мы чарговы раз убачылі, людзі, якія маюць уладу, не нясуць ніякіх адказнасці за свае дзеянні.
Оцените статью
1 2 3 4 5Читайте еще
Избранное