Лявон Вольскі: «Што мы атрымалі за 26 гадоў – дык гэта кожны па аўтазаку»
Музыкант выказаўся пра агульную сітуацыю ў Беларусі.
Фото euroradio.fm
– Вось што мы атрымалі за 26 гадоў – дык гэта кожны па аўтазаку! Кожны. Па аўтазаку, –
напісаў Лявон Вольскі – У кагосьці аўтазак камфортны – некалькі пакояў, добры сучасны дызайн. У іншага – аднапакаёвы без выгодаў.
Сярод некалькіх мільёнаў аўтазакаў, ведаеце, розныя трапляюцца. Ёсьць такія, што з выгляду і не аўтазак, і ты сам, нібыта, ім кіруеш, але ня трэба сябе падманваць. Усё адно гэта аўтазак. Сёньня ён чысты, сьветлы, сонечны, але няма гарантыі, што заўтра не ператворыцца ў звычайны змрочны закратаваны бокс.
Я бачыў такія мэтамарфозы, і не аднойчы. Вось перасоўваемся мы ў гэтых аўтазаках па сваіх гарадах, мястэчках і вёсках. І ўвесь час мы нешта павінныя. Мусім даказваць, што мы не дармаеды, што своечасова за ўсё неабходнае заплацілі, што мы любім свой уласны аўтазак – малую радзіму, і адзін вялікі прыўкрасны стабільны сільны і працьвятаюшчы агульны аўтазак.
Яго яшчэ нашыя начальнікі называюць так прыгожа… Дай Бог памяці, нешта вылецела з галавы… Ну, так прыгожа, велічна называюць… А! Вось, успомніў: «государство для народа».
Лявон Вольскі пра статыстыку па каранавірусу: «Гэта як верыць вынікам выбараў»
Оцените статью
1 2 3 4 5Избранное