Латушка: «Гэта і ёсць сапраўдная дэмакратыя, праўдзівая ўлада народа»
Член Каардынацыйнай рады звярнуўся да грамадзян Беларусi напярэдадні нядзелі.
– Мінулі 4 месяцы пратэсту, значная частка шляху, – звяртаецца Павел Латушка. – Мы разам зрабілі першы крок на вуліцу, разам разгарнулі бел-чырвона-белыя сцягі ў центрах гарадоў. Мы разам перажылі жах трагедый і пралілі першыя слёзы па загінулым і пацярпелым. Мы разам смяяліся, спявалі, плакалі, пакутвалі.
У нас так шмат змянілася за апошнія месяцы. Цяпер беларусы – ня «зручная» нацыя, якой лёгка загадваць, а вялікая сям'я, дзе адзін за ўсіх і ўсе за аднаго.
Беларусы ўбычылі дэфолт ўлады і стварылі сотні сваіх нацыянальных ініцыятыў. «Голас», Народнае Антыкрызіснае Упраўленне, ЕКРП, фонды падтрымкі, незалежныя прафсаюзы і дваравыя чаты і дзясяткі іншых – усе працуюць для дасягнення адзінай мэты.
Былі адкрыты Народныя Пасольствы Беларусі. Беларусы навучыліся гаварыць ў голас і гэты голас чуюць за мяжой.
Гэта і ёсць сапраўдная дэмакратыя, праўдзівая ўлада народа.
Лукашэнка захацеў узяць у заложнікі ўсю краіну – і закрыў межы Беларусі. Але ў 21 стагоддзі праўды ўжо не схаваць за жалезнай заслонай. Не схаваць доказаў ўсіх злачынстваў, фальсіфікацыі выбараў, рэпрэсій, катаванняў. Распачаты крымінальны пераслед вінаватых у рамках універсальнай юрысдыкцыі еўрапескіх краін.
Паралельна платформа Единая Книга Регистрации Преступлений стварае прававую базу для прыцягнення да адказнасці ўсіх вінаватых у злачынствах – членаў выбарчых камісій і сілавікоў.
Па словах палiтыка, «выхад кожнага – гэта патрабаванне, каб усе вінаватыя ў злачынствах былі пакараныя, гэта адмова падпарадкоўвацца злачыннаму рэжыму».
– Я разумею, які складаны гэты шлях даўжынёю ўжо ў 4 месяцы. Але мы ўсе разам ведаем, што кожны хто выходзіць на акцыі пратэсту, набліжае дзень перамогі народу і ўсёй Беларусі, – падсумоўвае палітык.
Оцените статью
1 2 3 4 5Читайте еще
Избранное