Класкоўскі: «Людзей дастала існаванне пад Лукашэнкам»

Палітычны аглядальнік — пра ўражанні ад пікетаў у падтрымку Святланы Ціханоўскай і «кандыдата пратэсту» Уладзіміра Няпомняшчых.

Фото Игорь Мелешко

«Сёння плошча Свабоды ў Мінску месціцца між Камароўкай і плошчай Якуба Коласа, — напісаў Аляксандр Класкоўскі. — Сотні людзей сабраў пікет, зладжаны Статкевічам і Ціханоўскім. Чарга паставіць подпісы за вылучэнне жонкі Ціханоўскага і «кандыдата пратэсту» Няпомняшчых расцягнулася на сотні метраў.

Уражанні і пытанні па гарачых слядах:

1. Людзей дастала існаванне пад Лукашэнкам. Цікава ўсё ж, які цяпер у яго рэйтынг.

2. Масе незадаволеных найперш імпануе асабістая смеласць Ціханоўскага, яркае ўвасабленне персанальнай альтэрнатывы (хоць сам ён і не балатуецца). Праграма мала каго цікавіць.

3. Міжволі напрошваюцца паралелі з Лукашэнкам узору 1994 года. Той таксама грунтаваўся на жорсткай папулісцкай крытыцы тагачаснага рэжыму на чале з Кебічам.

4. Апазіцыйны мэйнстрым на тле Ціханоўскага, а таксама новых фігур іншага кшталту — Цапкалы і Бабарыкі фактычна знік з радараў. Вось яна, цана застою, шаблонных падыходаў ды ўнутранай грызні ў асяроддзі «тытульных».

5. Сённяшні варушняк між Камароўкай і Якуба Коласа — выклік для уладаў. Цікава, ці дадуць яны Ціханоўскаму ездзіць па гарадах і ладзіць падобныя пікеты, як ён мяркуе».

Минчанин с пикета на Комаровке: Как можно жить, когда у нас «все есть», а по факту ничего нет?