КДБ: Шуневіч не з'яўляецца фігурантам цукровай справы

Пра гэта Радыё Свабода паведаміў афіцыйны прадстаўнік Камітэта дзяржаўнай бяспекі Андрэй Яраш.

Інфармацыя пра магчымае затрыманне былога міністра ўнутраных спраў Ігара Шуневіча ў сувязі з так званай «цукровай справай» зьявілася ў канцы мінулага тыдня.

Розныя крыніцы паведамлялі як пра магчымае затрыманне Шуневіча, так і пра змяшчэнне яго пад хатні арышт. Раніцай панядзелка 10 лютага сітуацыю Свабодзе пракаментавалі ў КДБ.

– Ігар Шуневіч не з'яўляецца фігурантам ніводнай крымінальнай справы, якая на гэты момант знаходзіцца ў працы следчага ўпраўлення Камітэта дзяржаўнай бяспекі, — сказаў афіцыйны прадстаўнік КДБ Андрэй Яраш.

Раней інфармацыю аб магчымым затрыманні Ігара Шуневіча не змаглі пацвердзіць у МУС і Следчым камітэце.

Оцени статью:
1
2
3
4
5
Средний балл - 1.6 (оценок:10)