Карбалевіч пра рэзыдэнцыі Лукашэнкі: «Навошта столькі аднаму чалавеку?»
Калі ён зьбіраецца кіраваць пажыцьцёва, то розьніца паміж дзяржаўнымі і асабістымі рэзыдэнцыямі зьнікае, падкрэслівае палітолаг.
Рэзідэнцыя Лукашэнкі на яго радзіме ў вёсцы Александрыя
— Аляксандр Лукашэнка падчас наведваньня мотавелазавода абверг чуткі, што ў яго нібыта ёсць нейкі асабісты палац, — піша Валер Карбалевіч. — «Калі хтосьці знойдзе мой палац, адразу едзьце і засяляйцеся», — сказаў ён.
Пра асабісты палац Лукашэнкі, кшталту пуцінскага, сапраўды нічога не вядома. Але у Лукашэнкі шмат рэзідэнцый, якія зьяўляюцца дзяржаўнымі і знаходзяцца на балянсе Кіраўніцтва справамі прэзыдэнта.
Вось пералік тых, да якіх мае доступ выключна Лукашэнка і ягонае атачэньне: Палац Незалежнасьці (Менск); «Дразды» (Менск); «Усход» (Менскі раён); «Заслаўе» (Менскі раён); «Азёрны» (Лагойскі раён); «Плаўна» (Бярэзінскі раён); Ляскавічы (Петрыкаўскі раён); заказьнік «Міжазёрны» (Браслаўскі раён).
Некаторыя дасьледчыкі называюць 12 ці нават 16 рэзідэнцый, узгадваючы дробныя аб’екты, кшталту невялічкай сядзібы ў вёсцы Александрыя-2 (Шклоўскі раён), «Крупеніно», «Віскулі», будынак у Вайсковым завулку і інш. Паводле ацэнак, сёньня ў Аляксандра Лукашэнкі самая вялікая колькасьць рэзідэнцый сярод усіх прэзыдэнтаў краінаў-суседак.
Навошта столькі аднаму чалавеку? І калі ён зьбіраецца кіраваць пажыцьцёва, то розьніца паміж дзяржаўнымі і асабістымі рэзыдэнцыямі зьнікае.
Оцените статью
1 2 3 4 5Читайте еще
Избранное