Карбалевіч: Частковы адказ на пытаньне, чаму ў беларускай рэвалюцыі няма лідэраў

Камэнтар экспэрта Свабоды Валера Карбалевіча.

Сябра прэзыдыюму Каардынацыйнай рады Вольга Кавалькова пакінула Беларусь не па сваёй волі. Яе вывезьлі зь турмы на Акрэсьціна ў Польшчу.

Рэжым выкарыстоўвае такую тактыку не ўпершыню. Чым садзіць сваіх апанэнтаў за краты, лепш выціснуць за мяжу. Там яны менш небясьпечныя. Да таго ж можна заўсёды сказаць, што яны агенты Захаду.

Віктар Бабарыка перад сваёй пасадкай апавядаў, што яму настойліва рэкамэндавалі зьехаць за мяжу, «зьлівалі» інфармацыю, што рыхтуецца арышт. Ён не паслухаўся... А Валер Цапкала пад пагрозай крымінальнай справы зьехаў. Усьлед за ім — ягоная жонка Вераніка.

Потым была драматычная гісторыя з вывазам за мяжу Сьвятланы Ціханоўскай. Лукашэнка нават хваліцца, маўляў, я яе вывез.

Мінулым тыднем не пусьцілі ў Беларусь мітрапаліта Тадэвуша Кандрусевіча. Вось цяпер Вольгу Кавалькову вывезьлі.

Ёсьць асьцярога, што могуць не пусьціць у Беларусь Паўла Латушку.

Гэта частковы адказ на пытаньне, чаму ў беларускай рэвалюцыі няма лідэраў.

Оцени статью:
1
2
3
4
5
Средний балл - 4.5 (оценок:41)