Кожны мог агучыць ідэі ад вар’яцкай да геніяльнай. І публіка гэта бачыла без мантажу.
Гурневіч: Віленская канферэнцыя атрымалася надзіва паспяховай
Журналіст Дзмітрый Гурневіч – пра вынікі канферэнцыі «Новая Беларусь», якая прайшла ў Вільні.
– Віленская канферэнцыя атрымалася надзіва паспяховай, – лічыць Гурневіч. – Дзякуючы публічнасці выступаў адбыўся натуральны адбор. Кожны, хто жадаў, пабачыў, хто з выступоўцаў чаго варты насамрэч. Я пабачыў.
Імпрэза не мела рэжысуры як амерыканскія палітычныя мерапрыемствы, дзе ўсе па раскладзе махаюць сцяжкамі. Можа праз гэта яна страціла відовішчнасць, але атрымалася інтэлектуальна сумленнай.
Бачу, што ў некаторых гледачоў гэта выклікала эстэтычны крыз, але я сапраўды лічу гэта плюсам, бо гэта асвойвае з рэальнасцю, а не бясконцым чаканнем ідэальных палітыкаў. Апрача таго, я пачуў нямала сапраўды вельмі талковых людзей.
Нават стварэнне кабінету не выклікала ў мяне ўнутранага пратэсту, які быў дагэтуль. Калі нехта лічыць, што гэта дапаможа і ён ведае як, няхай спрабуе. Інакш праз некаторы час гэтыя ж людзі папракалі б рэшту, што мелі план, а іх не паслухалі.
Тым больш, што іх план не такі і кепскі, бо адзін з нямногіх рэалістычных. А лепшага ці нават проста іншага, ніхто і не прапануе.
Оцените статью
1 2 3 4 5Читайте еще
Избранное