Гісторык: «Ход развіцця падзей зрабіў планы Бабарыкі яшчэ больш смешнымі ды наіўнымі»
Гісторык Аляксандр Пашкевіч – пра эфектыўнасць дзеяння па сітуацыі.
Першыя паслявыбарчыя акцыі салідарнасці праходзілі стыхійна. Заслаўе, жнівень 2020-га
— Назіраючы за спрэчкамі адносна «Плана перамогі», які нібыта абавязкова павінны прадставіць грамадскасці Святлана Ціханоўская і ўсе структуры, з ёй звязаныя, я ўспамінаю пра два відэазвароты Віктара Бабарыкі, якія выйшлі ў эфір пасля ягонага арышту — адзін адразу пасля таго, як гэта сталася, а другі — калі ў Беларусі ўжо поўным ходам ішлі маштабныя паслявыбарчыя пратэсты, — піша Аляксандр Пашкевіч.
У гэтых відэазваротах палітычны цяжкавагавік выклаў элементы свайго геніяльнага плана. Адзін выступ, калі хто забыўся, тычыўся ініцыявання рэферэндума па змене Канстытуцыі, а другі — стварэння палітычнай партыі «Разам».
І пра адно, і пра другое цяпер, здаецца, ніхто ўжо і не ўспамінае. І ў звычайнай сітуацыі гэтыя планы былі практычна немагчымыя да рэалізацыі, а ход развіцця падзей зрабіў іх яшчэ больш смешнымі ды наіўнымі.
У той час як дзейнічаючы сітуатыўна, у адпаведнасці з хуткімі зменамі сітуацыі, адказваючы перадусім на бягучыя выклікі і рэагуючы на памылкі ўладнай каманды, тыя самыя людзі, якія тэарэтычна мусілі засяродзіцца на правядзенні ў жыццё тых нерэалістычных планаў, на практыцы дабіліся многага, адклаўшы іх убок.
Таму не трэба рабіць з планаў культа. Папера (ці іншыя носьбіты) ўсё сцерпіць, а вось жыццё — яно іншае. Можа перакуліць усё за імгненне.
Оцените статью
1 2 3 4 5Читайте еще
Избранное