Гэта бязглуздзіца (абноўлена)

Віцэ-прэзідэнт міжнароднай федэрацыі правоў чалавека Алесь Бяляцкі пракаментаваў Еўрарадыё публікацыю ў "СБ" "кампрамату" на беларускую апазіцыю, у прыватнасці "фрагмент электроннай перапіскі па сістэме "Скайп".

"СБ. Беларусь сегодня" ў нумары ад 14 студзеня пачала друкаваць абяцаны "кампрамат" на беларускую апазіцыю. Нагадаем, такое даручэнне на прэс-канферэнцыі 20 снежня мінулага года даў кіраўнік дзяржавы. Першая частка гэтага матэрыялу мае назву "За кулисами одного заговора. Переданные по указанию Главы государства для опубликования в "СБ" рассекреченные документы о событиях 19 декабря".

Сярод "аператыўных матэрыялаў" прысутнічае і "фрагмент электроннай перапіскі па сістэме "Скайп". Нібыта, Бяляцкі размаўляў пра фінансавыя справы з каардынатарам польскага фонда "Свабода і дэмакратыя".

"Не, такой размовы не было. Хаця з фондам "Вольнасць і дэмакратыя" мы падтрымліваем нармальныя адносіны. Літаральна ўчора фундацыя была адной з арганізатараў міжнароднай канферэнцыі, прысвечанай падзеям у Беларусі, якая праходзіла ў Варшаве ў Сойме", — кажа Алесь Бяляцкі.

Паводле яго слоў, у "СБ" надрукаваная мана. "Хаця "Скайп" — сістэма дастаткова празрыстая і ёй трэба карыстацца вельмі асцярожна", — адзначыў Бяляцкі.

Ён мяркуе, што публікацыя падобных "кампраматаў" будзе працягвацца і мэта гэтай акцыі — "скампраметаваць грамадзянскую супольнасць, няўрадавыя арганізацыі і палітычныя партыі".

Алесь Бяляцкі нагадаў, што падобнае працягваецца ўжо 20 гадоў. "Штосьці новае цяжка паказаць, але почырк адзін", — кажа ён.

Сяргей Гайдукевич: «Гэта настолькі смешна і балюча»

Лідар Ліберальна-дэмакратычнай партыі Сяргей Гайдукевіч абвяргае інфармацыю, надрукаваную пра яго ў артыкуле-"кампрамаце", які выйшаў сёння ў "СБ: Беларусь Сегодня". Па словах экс-кандыдата ў прэзідэнты на выбарах 2001 і 2006 гадоў, напісанае пра яго — бязглуздзіца.

Гайдукевіч: "Гэта настолькі смешна і балюча. Я двойчы кандыдат у прэзідэнты. У мяне свая пазіцыя. Як можна ўявіць сабе, каб я падтрымліваў Някляева. Гэта трызненне. Весці размову аб тым, што я кагосьці падтрымліваў, гэта трызненне. Пайсці падтрымліваць за мільён, каб яго забралі на наступны дзень!?".

Нагадаем, газета адміністрацыі прэзідэнта надрукавала “кампрамат на апазіцыю”. Сярод іншага ў артыкуле гаворыцца:

"А. Фядута паведаміў, што на яго ініцыятыўна выйшаў старшыня ЛДП С. Гайдукевіч, які прапанаваў за 1 мільён долараў паспрыяць кампаніі “Гавары праўду” па прасоўванні яе кандыдата на будучых выбарах і зняць сваю кандыдатуру ў яго падтрымку. Сябры Дырэктарата [кампаніі "Гавары праўду"] выказалі меркаванне, што гэта — правакацыя праваахоўных структур. А. Фядута заўважыў, што, магчыма, С. Гайдукевіч з’яўляецца правадніком дыялогу з уладай".

Каментуючы гэта, Сяргей Гайдукевіч пажартаваў, што яго занадта танна ацэньваюць.

Романчук: Это похоже на несколько глав из романа неизвестного белорусского писателя

Публикация в "Советской Белоруссии" рассекреченных документов о событиях 19 декабря напоминает несколько глав из романа неизвестного белорусского писателя или коллектива писателей, заявил БелаПАН бывший кандидат в президенты, заместитель председателя Объединенной гражданской партии Ярослав Романчук.

Относительно Романчука издание сообщило, что якобы он "получил около 150—200 тыс. долларов США от IRI на проведение локальных акций, после чего уехал в Германию и США для получения дополнительного финансирования".

"Это странные цифры, это смешные цифры, они меня порадовали, но не более того", — сказал Романчук. По его словам, в ОГП после прочтения материала посмеялись и посетовали, что даже на автомобиль не хватило денег, до сих пор на работу заместитель председателя ходит пешком.

"Как Дэн Браун писал про "Код да Винчи", так это получается "Код Некляева", — оценил газетный материал экс-кандидат в президенты. По его словам, публикацию нельзя комментировать как официальный документ.

"Написали и написали. Чтобы читалось веселей, можно было бы прибавить еще каких-то сумм, деталей личной жизни не хватает. Чтобы роман стал бестселлером, нужны еще какие-то образы из личной жизни, тогда это будет покупаемо", — сказал Романчук.

По мнению экс-кандидата, публикация — пример того, как "идет распространение разной информации на заданную тему".