«Куды і навошта вязуць нашых дзяцей?!»

У Капыльскім раёне Мiнскай вобласцi школьнікаў масава правяраюць на каранавірус, паведамляе Радыё Свабода.

Прычына — падазрэньне на хваробу ў адной з настаўніц Доктаравіцкай сярэдняй школы. Яе шпіталізавалі больш за два тыдні таму.

— Куды і навошта вязуць нашых дзяцей?! — бацькі вучняў зьбіраюцца на школьным ганку. — Я свайго нікому не аддам, хай робяць што хочуць.

Мужчыны настроеныя рашуча. Па іх словах, школьная адміністрацыя нікому нічога не тлумачыць.

Доктаравіцкая школа — у Капыльскім раёне, тут вучацца дзеці адразу зь некалькіх суседніх вёсак. У сярэдзіне сакавіка адну з настаўніц паклалі ў раённы шпіталь. А 29 чысла, раніцай у нядзелю, па вёсцы Новыя Доктаравічы, што найбліжэй да школы, пачалі хадзіць мэдыкі і браць аналізы ва ўсіх дзяцей.

Дарослым адмаўлялі, толькі мералі тэмпэратуру.

Оцените статью

1 2 3 4 5

Средний балл 5(30)