Фотафакт. Кіраўнікі дыпмісій ЕС у Мінску развіталіся з латвійскімі калегамі

Паслу Латвіі ўлады Беларусі загадалі пакінуць краіну пасля вывешвання ў Рызе бел-чырвона-белага сцяга.

Фота European Union in Belarus

25 мая кіраўнікі дыпламатычных місій ЕС, што працуюць у Мінску, правялі сустрэчу.

— На жаль, нам давялося развітацца з шаноўнымі латвійскімі калегамі. Патрабаванне ўладаў Беларусі, каб усе латвійскія дыпламаты, акрамя аднаго, пакінулі Мінск, выклікае шкадаванне і з’яўляецца контрпрадуктыўным, — гаворыцца ў супольнай заяве.

Акрамя таго, кіраўнікі місій краін ЕС абмеркавалі развіццё падзей у галіне правоў чалавека:

— Мы паўтараем заклік Еўрапейскага саюза да ўладаў у Беларусі спыніць гвалт і незаконны пераслед і праз інклюзіўны нацыянальны дыялог забеспячыць суверэнную, бяспечную, дэмакратычную і квітнеючую будучыню Беларусі.

Нагадаем, што 24 мая мэр Рыгі Мартыньш Стакіс і міністр замежных спраў Латвіі Эдгар Рынкевіч замянілі чырвона-зялёны сцяг на бел-чырвона-белы каля гатэля, у якім жывуць зборныя па хакеі.

У выніку МЗС Беларусі прапанаваў паслу Латвіі і ўсім супрацоўнікам пасольства пакінуць краіну. У адказ Рыга выслала пасла і супрацоўнікаў амбасады Беларусі.

Оцени статью:
1
2
3
4
5
Средний балл - 5 (оценок:44)