Общество

Ева Вежнавец атрымала прэмію Гедройця за кнігу «Па што ідзеш, воўча?»

У Варшаве абвясьцілі ляўрэатаў прэміі за найлепшую арыгінальную кнігу, напісаную на беларускай мове ў жанрах мастацкай і дакумэнтальнай прозы і выдадзеную ў 2020 годзе, паведамляе Радыё Свабода.

Фота facebook.com/svieta.kurs

Прэміяй Гедройця за 2020 год была ўганараваная Ева Вежнавец за кнігу «Па што ідзеш, воўча?». Другое месца творчая стыпэндыя ў Доме творчасьці на швэдзкім востраве Готлянд — Таня Скарынкіна і кніга «Райцэнтар».

Трэцяе месца — у Сяргея Абламейкі з кнігай «Каліноўскі і палітычнае нараджэньне Беларусі».

Цырымонія адбывалася ў Калённай залі Варшаўскага ўнівэрсытэту. Яе вялі акторы Крысьціна Дробыш і Аляксандр Малчанаў.

У кароткі сьпіс дзясятага юбілейнага сэзону прэміі імя Ежы Гедройця сёлета ўвайшлі 6 кніг:

Сяргей Абламейка. Каліноўскі і палітычнае нараджэньне Беларусі. Менск, Радыё Свабодная Эўропа / Радыё Свабода, 2020

Ева Вежнавец. Па што ідзеш, воўча? Менск, Пфляўмбаўм / Выдавец Раман Цымбераў, 2020

Сяргей Календа. Акварыум. Гісторыя аднаго юнацтва. Менск, Логвінаў, 2020

Артур Клінаў. Локісаў. Вільня, Логвінаў, 2020

Таня Скарынкіна. Райцэнтр. Менск, Пфляўмбаўм / Выдавец Раман Цымбераў, 2020

Андрэй Федарэнка. Жэтон на метро. Менск, Мастацкая літаратура, 2020

У складзе журы прэміі Гедройця сёлета працавалі: літаратурны крытык Наста Грышчук; журналіст, літаратар, крытык Сяргей Дубавец; культуроляг, крытык, эсэіст Максім Жбанкоў; літаратуразнаўца, доктар філялягічных навук, прафэсар Анжэла Мельнікава; літаратар, літаратуразнаўца Алесь Пашкевіч.

Оцените статью

1 2 3 4 5

Средний балл 5(10)