Дзе пройдуць імпрэзы да Дня Волі?

Прага

23 сакавіка

23–24 сакавіка ў Празе офіс Сьвятланы Ціханоўскай правядзе ІІІ дыяспаральную канфэрэнцыю.

У першы дзень, з 9:00 да 19:00, адбудзецца сама канфэрэнцыя. У яе межах праскі Офіс адказвае за беларуска-ўкраінскую сэкцыю. Дзеля яе правядзеньня арандавалі дадатковую пляцоўку, каб беларускія кнігавыдаўцы маглі прадставіць сваю прадукцыю.

24 сакавіка ў 16:00 пройдзе ўрачыстае адкрыцьцё дошкі на Старамаку на месцы друкарні Севярына, дзе свае выданьні друкаваў Францішак Скарына. У імпрэзе маюць узяць удзел амбасады Літвы і Польшчы. А 17-й гадзіне са Старамаку адправіцца беларускі марш да Дня Волі, які ладзіць Bělaruské studentstvo ČR.

25 сакавіка аб 11:00 пройдзе ўскладаньне кветак на магілы прэзыдэнтаў БНР. Пазьней адбудзецца ўрачыстае адкрыцьцё праскага прадстаўніцтва Офісу Ціханоўскай з удзелам міністра замежных спраў Чэхіі.

А на канфэрэнцыі чакаецца 2-я панэль «Роля беларусаў(-ак) замежжа ў беларуска-ўкраінскіх адносінах». Мадэратар — Паліна Бродзік, галоўны запрошаны — Ігар Кізім, амбасадар Украіны па асаблівых даручэньнях у Беларусі. Іншыя госьці: Генадзь Манько (Місія дэмакратычнай Беларусі ў Кіеве), Тацяна Гацура-Яворская (рэабілітацыйны цэнтар «Ланка» і кінафэстываль «1084 На мяжы»), Станіслаў Салавей (беларускі мэдык ва Ўкраіне, ByMedSol), Маша Анімія (прадстаўніца фонду BySol, каардынатарка дапамогі беларускім добраахвотнікам ва Ўкраіне), Яўген Магда (палітоляг, спэцыяліст па ўкраінска-беларускіх дачыненьнях).

Варшава

24 сакавіка

14:00 Марш ад пляцу Трох крыжоў да помніка Мікалая Каперніка.

16:30 Сьвяточны канцэрт на Замкавым пляцы з удзелам музыкаў: Піт Паўлаў, Atesta, Dzieciuki і іншыя.

25 сакавіка

19:00 менскага часу, адбудзецца жывая трансьляцыя на YouTube-канале «Годна». Яна падзеленая на музычную і інфармацыйную часткі.

У музычнай праграме будуць удзельнічаць:

• J: Морс
• Naviband
• Dlina Volny
• Dzieciuki
• Nochy
• Volski

Весьці вечарыну будуць Ліза Ветрава — прадстаўніца каманды «Годна», папулярная беларуская блогерка, і Дзяніс Дудзінскі — вядомы тэлевядоўца.

Уся інфармацыя — пад цэтлікам #БНР106 і на старонцы BNR106.info.

Арганізатары абвясьцілі збор на арганізацыю сьвяткаваньня. Сродкі патрабуюцца на арэнду тэхнічнага абсталяваньня, пляцоўкі, працу тэхнічнай каманды ды арганізацыю выступаў.

Нью-Ёрк

24 сакавіка

Сьвяткаваньне пачнецца ў 12:00 ў грамадзкай залі сабору Сьв. Кірылы Тураўскага ў Брукліне. Адрас: 401 Atlantic Ave., Brooklyn, New York 11217.

• У праграме: афіцыйная частка з гістарычным дакладам і выступамі гасьцей, сьвяточны абед і музычны канцэрт ад
• The Kozak Family Trio.
• Царкоўная літургія пачнецца ў 10:00 раніцы.

Вільня

24 сакавіка

Канцэрт з удзелам беларускіх музыкаў (Naka, Антон Маслыка і Сьвятлана Ярміліна і інш.), Naujoji Riovonių g. 10

25 сакавіка

9:00 — Акцыя памяці. Збор на могілках Росы ля капліцы, наведваньне магілы братоў Луцкевічаў.
10:00 — Вольны бел-чырвона-белы аўтапрабег ад могілак Росы да будынку Сейму Літоўскай Рэспублікі.
12:00 — Экскурсія-шпацыр «Віленскія адрасы дзеячоў БНР». Рэгістрацыя
16:00 — Круглы стол Рады БНР у Вільні «Актуальнасьць ідэалаў 25 сакавіка» з удзелам прадстаўнікоў уладаў Літвы, беларускіх ініцыятываў і журналістаў. Рэгістрацыя
18:00 — Мітынг, прысьвечаны Дню Волі, на Лукіскай плошчы. Выкананьне гімну БНР і «Пагоні» беларусамі Вільні хорам, разам з ансамблем «Гоман». Фотавыстава пра Беларускі асобны батальён у літоўскім войску 1918–1923 гг. і моманты з сучаснай вайны ва Ўкраіне.
18:30 — Сьвяточны марш, прысьвечаны Дню Волі, у суправаджэньні ўдарнікаў (Лукіская плошча — Tauro gatvė — Mindaugo gatvė — Варта Сьвятла — Naugarduko gatvė — Pylimo gatvė — Рэфармацкая царква).
19:15 — Канцэрт Вольнага хору ў Рэфармацкай царкве.

Дапамагчы правядзеньню імпрэзаў.

Рыга

23 сакавіка

14:30, вул. Слокас 37, Латвійскае таварыства беларускай культуры «Сьвітанак» запрашае адзначыць 25 сакавіка разам з Уладзімерам Арловым.

Чыкага

23 сакавіка

12:30, ушанаваньне памяці Язэпа Варонкі — аднаго з заснавальнікаў Беларускай Народнай Рэспублікі, які пахаваны ў Чыкага, Elmwood Cemetery, lot 49

13:30, Дыскусія Беларуская Спадчына, Northlake Public Library. Дэталі

Беласток

24 сакавіка

15:00 мітынг-канцэрт з удзелам Кацярыны Ваданосавай, Kurwadziki, Ігара Палынскага, ul.Rynek Kosciuszki 10, 15-426 Дэталі

Гданьск

10:30 Урачыстае ўскладаньне кветак на магілы дзеячаў БНР. Гарнізонныя могілкі, ul.Dąbrowskiego 2

11:30 Сьвяточны марш Волі ад фантану «Няптун» ul.Długi Targ, да Эўрапейскага Цэнтру Салідарнасьці, на pI. Solidarności, 1.

15:00, Дэбаты: «Спадчына БНР — у пошуках нацыянальнай ідэнтычнасьці». Госьці: Зьміцер Лукашук, Алена Глагоўская, Рыгор Астапеня, Наста Ільіна. Бібліятэка ЕЦС.

13:00 — 18:00 Маратон пісаньня лістоў беларускім палітвязьням, арганізаваны Amnesty International, Зімовы сад ЕЦС.

17:00 Урачысты канцэрт: супольны праект мужчынскага гурта традыцыйнага сьпеву «Kasary» i рок-гурту «Relikt». Новая адмысловая праграма. Сьпеўны сход зь Сержуком Доўгушавым. Аўдыторыя ЕЦС. Дэталі.

Брусэль

24 сакавіка

14:00 — 15:00 Мітынг на плошчы Luxemburg plein, каля Эўрапарлямэнту

15:00 — 15:30 Марш Волі зь вялікім нацыянальным сьцягам, Luxemburg plein

15:30 — 16:30 Прэзэнтацыя «Шляхамі БНР», Wetenschapstraat 23. Дэталі

Шчэцін

17:00 Акцыя на Plac Solidarności

18:00 Сьвяточны канцэрт Czeslove & Leo, Piwnica Kany. Дэталі

Ліён

16:00 Акцыя на Дзень Волі, place Bellecour.

Познань

15:00 Марш Волі ад Пляцы Волі да Пляцу Адама Міцкевіча, дзе адбудзецца сьвяточны мітынг-канцэрт. Дэталі.

Больш поўны расклад тут.