«Цмокі» атрымалі неверагодную перамогу
27 студзеня мінскі баскетбольны клуб «Цмокі» згуляў чарговы матч Кубка ФІБА.
Аўстрыйскі «Гюсінг» ужо амаль святкаваў перамогу. За паўтары хвіліны да заканчэння гульні гаспадары пляцоўкі былі наперадзе – 88:81.
Аднак «Цмокі» не капітулявалі датэрмінова. За гэты час яны зрабілі тры ўдалых кідкі, два з якіх былі далёкімі. Да таго ж мінскі клуб у гэтыя секунды надзвычай удала абараняўся. У выніку нашы перамаглі – 89:88 (23:18, 21:32, 20:24, 25:14).
Фантастычны камбэк тым больш каштоўны, бо дазволіў «Цмокам» працягнуць барацьбу за выхад у наступны раўнд Кубка ФІБА. У выпадку паразы шанцы на гэта былі б страчаныя.
Цяпер турнірная становішча ў групе V выглядае так:
1. Варэзэ – 9
2. АЕЛ – 8
3. Цмокі – 7
4. Гюсінг – 6
Апошні матч гэтай стадыі «Цмокі» правядуць 3 лютага ў Менску. Каб патрапіць у 1/8 фінала Кубка ФІБА, нашай камандзе трэба перамагаць кіпрскі АЕЛ з розніцай не менш за 6 балаў.
Оцените статью
1 2 3 4 5Читайте еще
Избранное