Чаргінец: «Я гадоў 10 ужо не атрымліваю пенсію»

Старшыня праўладнага саюза пісьменнікаў распавёў у інтэрв'ю Нашай Ніве пра сваю пенсію і заробак.

— Калі не сакрэт, якая ў вас пенсія?

— Давайце не будзем, — адказаў Мікалай Чаргінец. — Яна немаленькая, канечне… Але паверце, я гадоў 10 ужо не атрымліваю яе, з часоў, як увялі банкаўскія карткі. Ёсць каму атрымліваць — жонцы! (Смяецца.) Але клянуся, мне і так хапае, грошы кішэнныя маю. А картка ў яе.

— А ваш заробак як у старшыні Саюза пісьменнікаў?

—  Невялікі адносна, каля 900 рублёў. Гэта нядаўна стала, раней было і 300, і 400.

Сваім болем Чаргінец назваў малыя пенсіі пісьменнікаў.

— Ёсць пісьменнік з Пінска — лаўрэат медаля Скарыны, — а атрымлівае 220 рублёў пенсіі… Я лічу, што пісьменнік мусіць атрымліваць большую пенсію, калі яго вывучаюць у школе, калі ён мае ўзнагароды.

Ёсць пісьменнік, які працуе дворнікам у школе. Дзеці даведаліся, што ён кнігі піша, і кажуць яму: «Ну што ты, Дастаеўскі?»

Нашы пісьменнікі атрымліваюць пенсію такую ж, як і бамжы, якія нідзе не працавалі. Пра пісьменнікаў трэба клапаціцца, я настойліва працую ў гэтым напрамку, але не сустракаю падтрымкі з боку чыноўнікаў, — дадаў Мікалай Чаргінец.

Оцени статью:
1
2
3
4
5
Средний балл - 1.4 (оценок:25)