Блёгасфэра пра Свабодны тэатар ды марш УПА
Затрыманы напярэдадні «Эўрапейскага маршу» моладзевы актывіст Павал Юхневіч атрымаў 7 сутак зьняволеньня. Але на волю яго чамусьці вырашылі не адпускаць. І асудзілі за наведваньне спэктаклю Свабоднага тэатру 23 жніўня, каля былі затрыманыя 50 гледачоў. Здаецца, гэта першы ў сьвеце выпадак, калі чалавека кідаюць за краты за культурнае разьвіцьцё. Паша атрымаў 15 сутак, якія правядзе ў турме на вуліцы Акрэсьціна.
Дажыліся.
Хутка пачнуць згадваць удзел у штурханіне з АМАПам на Чарнобыльскім Шляху 1996
году. А што? У краіне, дзе няма законаў, і такое магчыма.
А
беларуская блёгасфэра гэтым разам смакуе прагнозы польскіх выбараў (маніторынг
за выбарамі ды першымі стадыямі падліку галасоў абяцаў watcher-interio)
ды робіць ацэнкі таго, як гэта можа адбіцца на сытуацыі ў Беларусі. Ці стане
прэм’ерам Дональд Туск, якога ўлады Беларусі ЧАТЫРЫ разы не пускалі ў краіну
яшчэ ў якасьці людэра фракцыі? І што тады будзе? Паглядзім.
Уладзімер Губенка,
малюнкі Берасьця часоў акупацыі. Зараз самачыннаму мастаку 75 год, але
пакуль мала хто чуў яго імя. Тэма ў блёгасфэры, якая хаця й не атрымала навалы
камэнтароў, але была самай наведвальнай за апошнія 24 гадзіны.
Вечаровае чытво,
або чаму Пуцін не перапісвае Канстытуцыю Расеі — свае меркаваньні на гэты конт друкуе
valery-brest-by,
блёгер
з Заходняе Беларусі.
І
напрыканцы пара цікавых суполак, выкрытых на гэтых выходных.
by-ethno
— рэгулярна друкуе цікавыя факты пра беларускую культуру,
мову, гісторыю, але ў дачыненьні да сучаснасьці;
pieraklad
— месца тусоўкі самачынных перакладчыкаў мастацкіх твораў ды
кампутарных праграмаў, якія адразу ж там і друкуюцца.
І
на заканчэньне: ідэя стварыць банк дадзеных асобаў, датычных да рэпрэсіяў, які
б быў дасягальны да ўсеагульнага рэдагаваньня, можа быць рэалізавана
беларускімі інтэрнаўтамі ў любы момант. Прынамсі, ўсё для таго ёсьць, застаецца
жаданьне. У краінах са значна больш актыўнымі грамадзянскімі суполкамі такія
рэсурсы з’явіліся ледзьве не адразу па з’яўленьні Вікіпедыі.
Оцените статью
1 2 3 4 5Читайте еще
Избранное