Блёгасфэра пра лацінку ды сходы блёгераў
Сходы блёгераў “у рэальным сьвеце” становяцца модай на абшарах былога Саюзу. Па заканчэньні Блёгкэмпа ў Кіеве, які даў рады сабраць некалькі соцень блёгераў зь пяці краінаў, стала магчымым заплянаваць яшчэ тры падзеі такога фармату: у Расеі, Латвіі ды Кыргызстане. Бліжэйшая зь іх адбудзецца 8 — 10 лютага 2008 года ў Рызе.
Адметна тое, што масавыя сходы інтэрнаўтаў былі ініцыяванымі
менавіта беларускімі ды ўкраінскімі “грамадзянскімі журналістамі” — як
часьцяком клічуць сябе блёгеры ў краінах, дзе са свабодай слова існуюць
праблемы. У краінах Заходняе Эўропы ды ЗША такі фармат правядзеньня сустрэч,
калі няма арганізацыйнае групы ды ўдзельнікі самі ўтрасаюць усе фармальнасьці,
не навіна. Але вось для Ўсходняе Эўропы (улучна з новымі Эўразьвязаўскімі дзяржавамі)
зачынальнікамі традыцыі сталіся менавіта беларусы ды ўкраінцы. Што ня можа ня
цешыць.
Вось тут можна знайсьці
падагульненую ant1killer інфармацыю
для тых, хто хацеў бы паўдзельнічаць у Рыскім Блёгкэмпу. Браць удзел можа
кожны: для таго не абавязкова быць блёгерам. Проста трэба мець жаданьне і трохі
вольнага часу, а таксама ахвоту дапамагчы арганізацыяй падзеі.
Адзіным добрым вынікам тае гісторыі з
беларускімі рок-музыкамі, піша czyk, сталася
з’яўленьне ў Варашкевіча свайго ЖываЖора.
І ўжо поўнага канцэптуальных малюнкаў.
Беларуская лацінка зноў сталася прадметам
абмеркаваньняў у ЖЖ. Асаблівы ўздым у інтэрнаўтаў выклікала тое, што Беларуская
Акадэмія Навук па прыняцьці скарэктаваных афіцыйных правілаў трансліту
скарысталася ў сваім камюнікэ з тэрміну “беларуская нацыянальная лацінка”. Нда,
падумалі блёгеры, нешта вялікае ў лесе здохла. Раней такіх словаў на адрэсу
беларускае мовы не было дачакацца, а тут спачатку музыкі, потым “национальная латиница”…
Ant1killer абвясціў
старт 17-му конкурсу
найлепшых блёгаў. Сярод іх “зазіхацела” і старая знаёміца provalinskaya
з
творам пра
«белоруссов». Чытаць ды каментаваць можна тут.
Блёгер ды журналіст tomkovich
стаўся
аб’ектам зыску вялікага сусьветна вядомага пісьменьніка Чаргінца. Сумна тое,
што ў Беларусі на незалежную журналістыку накладзены своеасаблівы падатак:
хочаш пісаць вольна — рыхтуйся плаціць штрафы. А апетыты тых, хто падае ў суд, растуць
па экспанэньце. У абмеркаваньне гэтае навіны нават удзельнікі самага апалітычнага onliner.by
уцягнуліся.
Няўжо прарыў?
Оцените статью
1 2 3 4 5Читайте еще
Избранное