Амбасадар Яе Вялікасці чытае Шэкспіра па-беларуску

Амбасадар Яе Вялікасці, насуперак стэрэатыпам, п'е сваю гарбату на гадзіну раней за ўсіх астатніх брытанцаў – не ў 5 p.m, a ў 4. А колькі яшчэ стэрэатыпаў маем мы і брытанцы адносна адно аднаго?

А гэта часам замінае ўсвядоміць, што ёсць насамрэч. У той жа час погляд звонку дазваляе нам лепей зразумець сябе ды вызначыць свае адметнасці.

Разбірацца ў тым, якімі бачаць нас жыхары Аб’яднанага Каралеўства дапаможа шточацвер амбасадар яе Вялікасці Брус Бакнэл. У сваім блогу амбасадар ужо расказаў пра тое, дзе заканчваецца Еўропа, пра сваё бачанне грамадзянскай супольнасці і яшчэ шмат пра што.

З 24 кастрычніка шточацвер развагі і назіранні будуць з’яўляцца па-беларуску на партале budzma.org ў спецыяльнай рубрыцы. І першая “беларуская” развага – пра стрэс. Стрэс амбасадара ад экзамену. Цікава? Тады чакаем шточацвер у рубрыцы “4 o’clock з Брусам Бакнэлам”. З усёй разважлівасцю сапраўднага брытанца і цеплынёй пачуццяў. Зусім такой, як кубак гарбаты.

Першы выпуск (+відэа Шэкспір па-беларуску ад брытанца) глядзіце тут.