Аляксандр Лукашэнка — туз, Гігін — «шасцёрка», затое Коля — джокер
«Беларусы ў выгнанні» выдалі калоду гульнявых карт на тэму палітычных рэалій.
Арганізацыя «Беларусы ў выгнанні» рэалізуе праект «Калода Лукашэнкі» — яны выдаюць гульнявыя карты, на якіх знаходзяцца выявы беларускіх чыноўнікаў і бізнэсоўцаў.
Мэта — «інфармаваць грамадскасць, прадстаўнікоў бізнесу і ўрадаў па ўсім свеце пра тое, што ўступаючы ў гандлевыя адносіны з рэжымам Лукашэнкі, яны падтрымліваюць рэпрэсіі, якія Лукашэнка ажыццяўляе ў нашай краіне».
Кожная карта суправаджаецца кароткім тлумачэннем таго, чаму кожны з фігурантаў апынуўся на карце і чаму яго ці яе варта ўключыць у спіс «прыхільнікаў рэжыму Лукашэнкі».
У калодзе традыцыйныя 52 карты, але цікавасць выклікае, які «намінал» стваральнікі далі канкрэтным беларускім чыноўнікам.
Напрыклад, сярод «двоек» Дзмітрый Паўлічэнка, а таксама старшыні судоў Петр Міклашэвіч і Валянцін Сукала.
«Чацверкамі» назвалі губернатараў — Косінца, Сумара і Шапіру.
«Шасцеркі» — знаныя прапагандысты Гігін і Давыдзька.
З бізнэсоўцаў у калодзе прадстаўленыя Аляксандр Шакуцін («сямерка»), Аляксандр Машэнскі і Уладзімір Пефціеў («васьмерка»), Юрый Чыж і Анатоль Тарнаўскі («дзявяткі»).
Хто ж ацэньваецца найбольш? Валетамі сталі міністр унутраных спраў Ігар Шуневіч, кіраўнік прэзідэнцкай аховы Андрэй Уцюрын, кіраўнік адміністрацыі Андрэй Кабякоў, а таксама прэм’ер Міхаіл Мясніковіч.
Дамы — у адсутнасць асаблівага выбару — Надзея Каткавец, Надзея Ермакова, Лідзія Ермошына і Наталля Пяткевіч.
У каралях Віктар Шэйман, Уладзімір Макей, Віктар Вакульчык і Віктар Лукашэнка.
Затое туз адзін — Аляксандр Лукашэнка ў розных іпастасях. Есць і джокер — ягоны сын Коля, намаляваны з залатым пісталетам.
Варта адзначыць, што «Беларусы ў выгнанні» здолелі паказаць даволі рэалістычную карцінку іерархіі беларускай улады.
Оцените статью
1 2 3 4 5Читайте еще
Избранное