Сяргей Пульша, Новы час

АБСЕ не прызнала выбары: жорстка, але ці прынцыпова?

Міжнародныя назіральнікі не прызналі беларускія выбары свабоднымі, справядлівымі і адпавядаючымі міжнародным стандартам у гэтай галіне. На прызнанне, падаецца, ніхто і не разлічваў. Але справа ў тым, не што было сказана, а як гэта было сказана.

Маргарэта Сэдэрфельт, Лорд Блэнкатра і Карыен Ёнкер, кіраўніца Місіі па назіранні за выбарамі БДІПЧ

Зазвычай місія назіральнікаў на выбарах ад еўрапейскіх структур — Парламенцкай асамблеі Савета Еўропы, Парламенцкай асамблеі АБСЕ, Бюро па дэмакратычных інстытутах і правах чалавека і іншых — імкнуцца ўсяляк «падсаладзіць пілюлю».

Знаходзяць нейкія нязначныя крупінкі «прагрэсу» ў беларускіх выбарах, згадваючы спачатку пра іх. Папярэдне кажуць «на вялікі жаль», «нам вельмі шкада гэта прызнаваць» і падобнае на тое, перш чым заявіць пра хібы беларускага выбарчага працэсу.

Белорусский МИД обвинил ОБСЕ в «тотальном шельмовании»

На прэс-канферэнцыі 18 лістапада па выніках прайшоўшай кампаніі па выбарах дэпутатаў Палаты прадстаўнікоў у нашай краіне нічога гэтага не было.

Маргарэт Сэдэрфельт, спецыяльны каардынатар і кіраўнік кароткатэрміновай місіі па назіранні АБСЕ, адразу ўзяла жорсткую танальнасць, заявіўшы, што назіральная місія не прызнае гэтыя выбары адпавядаючымі міжнародным стандартам. «Гэтыя выбары прадэманстравалі поўную адсутнасць павагі да дэмакратычных абавязальніцтваў», — заявіла яна.

Працяг артыкула чытайце тут

Оцени статью:
1
2
3
4
5
Средний балл - 5 (оценок:13)