Як правільна карміць птушак i вавёрак у маразы

Галоўны прынцып — трымацца парадаў адмыслоўцаў.

З наступленнем маразоў многія з нас сутыкаюцца з пытаннем: як дапамагчы справіцца з холадам птушкам і вавёркам?

Перш чым выбірацца ў паркі ці да вадаёмаў, варта азнаёміцца з парадамі спецыялістаў.

Вавёрак можна частаваць звычайным чорным хлебам, гароднінай, сушанай садавіной, насеннем сланечніка і гарбуза, арэхамі. Але ні ў якім выпадку — міндалём! Для іх гэта атрута.

Нельга карміць вавёрак салёным і смажаным. Адным словам —ніякага фастфуда.

Як зрабіць кармушку для птушак

Арнітолагі перасцерагаюць: падкормліваць зімой неабходна толькі невялікіх птушак — сініцаў, вераб’ёў ды іншую драбязу. Ім найбольш складана перажыць халады.

Пра тое, як і чым карміць птушак, «Салідарнасць» падрабязна пісала ў мінулым годзе.

Вадаплаўныя птушкі здольныя пракарміцца самастойна, а вось недасведчаная міласэрнасць людзей можа ім нашкодзіць, бо прыкормленыя качкі ды лебедзі адвучваюцца шукаць пракорм самастойна.