.

25.06.2014
«Наша Ніва», фота Сяргея Плыткевіча
У Полацку вандалы раскрышылі надпіс на помніку літары «Ў»

Уладзімір Арлоў мяркуе, што трэба не проста аднавіць надпіс, але і распачаць супраць вандалаў-беларусафобаў крымінальную справу.

Учора, 24 чэрвеня, у нашым найстаражытнейшым горадзе з вялікім поспехам адбылася прэзентацыя кнігі Уладзіміра Арлова «Ад Полацка пачаўся свет. My Polacak, the Cradle of the World». Але, як паведаміў пісьменнік, святочнае ўражанне ягоных сяброў і чытачоў было азмрочана варварскай вылазкай беларусафобаў.

Магчыма, якраз у тыя хвіліны, калі ў Музеі беларускага кнігадрукавання гучалі выступы Уладзіміра Арлова, выдаўца кнігі Сяргея Плыткевіча і яе фундатара Паўла Бераговіча, а беларускія музыкі выконвалі старадаўнія мелодыі, зусім побач з музеем хтосьці, узброіўшыся кувалдай, з лютасцю крышыў надпіс на адным з полацкіх помнікаў.

Фота Сяргей Плыткевіч

Гаворка ідзе пра матэрыяльнае ўвасабленне літары «Ў».

На гэтым унікальным культурным аб’екце, размешчаным у самым цэнтры горада, на праспекце Францыска Скарыны, адлітыя ў метале радкі Рыгора Барадуліна:

Ад ЕЎфрасінні, ад Скарыны,

Ад Полацка пачаўся свет.

Пасля смерці народнага паэта яны пачалі ўспрымацца як першы своеасаблівы помнік выдатнаму майстру беларускага слова. Цяпер ад барадулінскіх радкоў ацалелі толькі асобныя літары.

 
Оцени статью:
1
2
3
4
5
Средний балл - 2.3 (оценок:3)